KWAZULU-NATAL. – ‘n Meisie (7) is kritiek beseer, nadat sy Woensdag omstreeks 15:30 in Porspectstraat, Howick, agter ‘n bal aan is en deur ‘n taxi gestamp is.
Midlands EMS en Midlands K9 met Hunter, die eenheid se hond, is na die toneel waar vasgestel is die kind het haar bal laat val en dit het in die pad ingerol. Sy is impulsief, sonder om vir verkeer te kyk, agter die bal aan, toe die taxi haar tref. Die meisie is kritiek beseer en gevorderde lewensondersteunende behandeling is op haar toegepas om haar te stabiliseer. Sy is daarna vir verdere behandeling na ‘n nabygeleë hospitaal vervoer.
Die diens sê alle owerhede was op die toneel teenwoordig.
