LOS ANGELES, VSA. – ’n Hof in Los Angeles het beslis die hervonnisopleggingverhoor van die Menendez-broers kan voortgaan ten spyte van teenkanting van die distriksprokureur.
Lees ook: Voormalige akteur van ‘Grey’s Anatomy’ Eric Dane het MS
Die broers, wat in 1989 skuldig bevind is aan die moord op hulle ouers in hulle spoghuis in Beverley Hills, se regspan wil hê hulle moet hervonnis word sodat hulle moontlik uit die tronk vrygelaat kan word.
Daar sal volgende week verhore plaasvind om te besluit of die broers hervonnis gaan word. Die broers se poging is gebaseer op ’n wet in Kalifornië wat toelaat dat gevangenes wat jonger as 26 was toe hulle ‘n misdaad gepleeg het, hervonnis kan word en parool kan kry, omdat die menslike brein steeds op daardie ouderdom ontwikkel. Hulle wil hervonnis word tot 50 jaar in plaas van ’n lewenslange vonnis, wat hulle onmiddellik vir parool in aanmerking sal laat kom.
Die distrikprokureur het gesê die broers het nie verantwoordelikheid vir die moorde aanvaar nie en “hou aan om die blaam op iemand anders te plaas”.
Bronne: BBC, Algoa FM, Daily Mail
Lees ook: Voormalige akteur van ‘Grey’s Anatomy’ Eric Dane het MS
