INTERNASIONAAL. – ’n Hof in New Mexico het Meta beveel om $375 miljoen (sowat R6.3 miljard) te betaal omdat die maatskappy gebruikers mislei het oor die veiligheid van sy platforms vir kinders.
Volgens die BBC het die staat se prokureur-generaal in ‘n regsgeding die maatskappy daarvan beskuldig dat dit gebruikers mislei het oor die veiligheid van Facebook, Instagram en WhatsApp, en dat dit seksuele uitbuiting van kinders op dié platforms moontlik gemaak het. New Mexico se prokureur-generaal, Raul Torrez, het gesê die uitspraak is “histories” en is die eerste keer dat ’n staat Meta suksesvol oor kinders se veiligheid dagvaar.
’n Woordvoerder van Meta, onder leiding van voorsitter en uitvoerende hoof, Mark Zuckerberg, het gesê die maatskappy stem nie met die uitspraak saam nie en beplan om appèl aan te teken.
Bronne: BBC, Australian BC
