Volgens die John Hopkins-universiteit in Baltimore se wêreldkaart met korona-statistieke is daar op 3 April ten minste 1 026 974 persone in die wêreld positief vir Covid-19 getoets.
Dr. Tedros Adhanom Ghebreyesus, direkteur-generaal van die Wêreldgesondheidsorganisasie (WGO) het op 1 April sy kommer oor die korona-kwessie uitgespreek.
“Ek is bekommerd oor die spoed waarteen die virus versprei. Gedurende die afgelope vyf weke het die aantal virus-geïnfekteerdes eksponensieel vermeerder. Daar is 188 lande wat reeds gevalle van Covid-19 bevestig het. In die afgelope week het die sterftesyfer meer as verdubbel. Dit is nou die vierde maand sedert die virus uitgebreek het,” sê hy.
