BANGLADESJ. – Minstens 27 mense, insluitend 25 kinders, is dood ná ’n militêre vliegtuig op ’n skool neergestort het. Altesaam 171 mense is in die ongeluk beseer, van wie 50 met brandwonde in hospitale opgeneem is.
Lees ook: Verskeie mense oorlede nadat militêre vliegtuig op skool neerstort
Volgens die weermag het die vliegtuig glo ’n meganiese fout ondervind nadat dit opgestyg het vir ’n oefeningoperasie. Die vlieënier is een van die oorledenes. Hy het “elke poging aangewend om die vliegtuig weg te draai van gebiede met baie mense”.
Owerhede is besig om die oorsaak van die ongeluk te ondersoek. ’n Dag van rou en gebed is ná die ongeluk aangekondig.
Bronne: BBC, CNN, Hindustan Times
Lees ook: Verskeie mense oorlede nadat militêre vliegtuig op skool neerstort
