GAUTENG. – Owerhede waarsku teen die toenemende stort van olie in stormwaterdreine as ’n manier om daarvan ontslae te raak. Hierdie praktyk veroorsaak egter skade deurdat dreine verstop, dit oorstromings veroorsaak en waterweë besoedel raak, met negatiewe gevolge vir wildlewe en die gemeenskap.
Die Stad Ekurhuleni sê in ‘n sosialemediaplasing stormwaterdreine is uitsluitlik vir reënwater bedoel. Gebruikte olie waarmee weggedoen word, moet in ‘n houer verseël word en in die vullisblik geplaas word. Gebruikte olie kan ook na ‘n herwinningsentrum geneem word.
Gemeenskappe word aangemoedig om veiliger en doeltreffender maniere te vind om veiligheid te bevorder sonder om die omgewing te beskadig.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
