MPUMALANGA. – ’n Moordondersoek is begin nadat drie liggame in ’n beboste gebied naby Hazyview gevind is. Die slagoffers is só erg verbrand dat hulle nie geïdentifiseer kan word nie. ‘n 29-jarige man word in verband met ontvoering en moord ondervra.
Kol. Mavela Masondo, polisiewoordvoerder, het Woensdag self die toneel besoek en sê ondersoekers kyk tans of die oorledenes moontlik die drie mense is wat op 14 April in Nelspruit (Mbombela) ontvoer is. Die polisie se ondersoek is steeds aan die gang.
