’n Renault Scenic is heeltemal vernietig nadat dit Sondagoggend op die R102 King Shaka- internasionale lughawe in Tongaat, KZN, vlamgevat het.
Verbygaande motoriste het Reaction Unit South Africa (Rusa) omstreeks 07:42 gekontak. Lede is dadelik uitgestuur en het met hul aankoms die voertuig ontdek wat in vlamme gehul was.
Volgens die bestuurder van die motor het hy ‘n ontploffing gehoor en vlamme opgemerk toe hy die voertuig verlaat en na veiligheid gevlug het.
Die brand het vinnig deur die motor versprei.
Die bestuurder is nie beseer nie.
