Lees ook: Voormalige finansminister Tito Mboweni oorlede
SPRINGBOK. – ’n Munisipale werker (52) sal op 3 Desember in die Springbok-streekhof verskyn op aanklagte van die beskadiging van noodsaaklike infrastruktuur.
Die verdagte, wat by die Namakhoi-munisipaliteit se elektrisiteitsafdeling werk, is glo deel van ’n sindikaat wat munisipale koperkabels steel en aan ’n plaaslike skrootwerf verkoop.
Na inligting in Januarie 2018 ontvang is oor die munisipaliteit se kabels wat gesteel word, het die polisie met ‘n ondersoek bevind nuwe kabels word vir dringende herstelwerk aangekoop en dan weer verkoop. Tydens die ondersoek het hulle ’n munisipale voertuig gesien wat kabels by die skrootwerf aflaai.
Die munisipaliteit het R150 000 se skade in die proses gely. Twee verdagtes, van wie een in die tussentyd oorlede is, is in die ondersoek geïdentifiseer.
Bronne: SAPD
