PAARL. – Op 10 Oktober het Suid-Afrika ‘n merkwaardige dag gevier met twee groot mylpale in die geskiedenis van Afrikaans. Dit was presies 200 jaar sedert die geboorte van Paul Kruger en terselfdertyd die 50ste herdenking van die oprigting van die Taalmonument in die Paarl.
Om hierdie besondere dag nóg meer simbolies te maak, is ‘n tweede taalmonument in die Paarlstreek ingewy. Die inisiatief is deur die Voortrekkers in Kaapland geneem om 100 jaar van Afrikaans as amptelike taal te herdenk.
Reeds vroegoggend het groepe kinders en volwassenes van die Voortrekkerbeweging by die Taalmonument saamgetrek. Van daar het hulle te voet vertrek na die Afrikaanse Taalmuseum in die Paarl, voordat die optog sy weg gevind het na die Wemmershoek-kampterrein tussen Paarl en Franschhoek, waar die nuwe monument feestelik onthul is.
Met hierdie stap hoop die organiseerders om die trots, erfenis en lewenskrag van die Afrikaanse taal aan nuwe geslagte oor te dra.
Foto en teks: Johan Maree
