BARCELONA, SPANJE.- Die Spaanse tennisspeler, Rafael Nadal, is by die Barcelona Ope-tennistoernooi uitgeskakel nadat hy teen die 11de gekeurde Alex de Minaur in die tweede rondte verloor het.
Nadal het sy terugkeer na die tennisbaan gemaak na drie maande se afwesigheid weens ’n besering.
Hy het in die eerste rondte van die toernooi oortuigend teen Flavio Cobolli gewen. Minaur het hom egter met 7-5 6-1 in die volgende rondte uitgeskakel.
Nadal hoop om in Mei vir die Franse Ope gereed te wees. Hy het aangekondig dat hy later in 2024 gaan uittree indien hy nie meer gereeld kan deelneem nie.
Bronne: SuperSport, BBC
