GAUTENG. – Genl. Fannie Masemola, die mees senior polisiebeampte in Suid-Afrika, het vandag in ‘n voortgaande korrupsiesaak in die Pretoria-landdroshof verskyn. Dié generaal, sakeman Vusimuzi “Cat” Matlala en 16 mede-beskuldigdes verskyn in die hof oor die beweerde onreëlmatige toekenning van ‘n kontrak van sowat R228 miljoen aan Medicare 24, ‘n maatskappy wat aan Matlala behoort.
Henry Mamothame, IDAC-woordvoerder, het bevestig dat Masemola tans op vier aanklagte van die oortreding van die Wet op Openbare Finansiële Bestuur teregstaan. Matlala en sy medebeskuldigdes staar aanklagte van korrupsie, bedrog en geldwassery in die gesig. Tydens konsultasie met Matlala het nuwe inligting na vore gekom wat verdere ondersoek vereis. Hy sal intussen by die Kgosi Mampuru-korrektiewe fasiliteit aangehou word sodat konsultasies met sy regspan onbelemmerd kan voortgaan.
Die beskuldigdes sal weer op 26 Junie in die hof verskyn.
