Lees ook: Vyf mense oorlede na skip brug tref in China
BEIJING, CHINA. – Minstens nege mense is Vrydag beseer in ’n kettingbotsing in Suzhou waarby sowat 100 voertuie betrokke was.
Die voertuie het een na die ander op ’n gladde snelweg in ysige weersomstandighede in mekaar vasgery. Die meeste van die voertuie het groot skade opgedoen.
Niemand is dood in die botsing nie, maar drie persone is in die hospitaal opgeneem. Ses persone het ligte beserings opgedoen.
Die pad was ure later weer oop vir verkeer.
Bronne: IOL, BBC, TimesLIVE
