Lees ook: Uitbraak van Duitse masels in SA
LICHTENBURG. – ’n Nigeriese man (48) en ’n Suid-Afrikaanse vrou (33) is Woensdag in hegtenis geneem vir die beweerde besit van en handel in dwelms.
Die verdagtes is in hegtenis geneem na die polisie in Lichtenburg inligting ontvang het oor ’n Nigeriese man wat glo dwelms verkoop. Na ’n ondersoek is die verdagtes in hegtenis geneem na hulle dwelms tot die waarde van R40 000 verkoop het. 649 Mandrax-tablette, 40 pakke metamfetamien (crystal meth) en pakke met cat is gekonfiskeer.
Na ’n soektog by die man se huis het die polisie metamfetamien ter waarde van R15 000 en cat tot die waarde van R6 000 gekonfiskeer. Nog ’n Suid-Afrikaanse vrou (28) wat glo die man se meisie is, het die polisie probeer omkoop om hom vry te laat. Sy is ook vir korrupsie in hegtenis geneem.
Die drie verdagtes verskyn vandag in die Lichtenburg-landdroshof.
Bronne: SAPD
Lees ook: Uitbraak van Duitse masels in SA
