WES-KAAP. – Die nasionale seereddingsinstituut (NSRI) het strandgangers en ander kusbesoekers gewaarsku om versigtig te wees tydens ’n nuwemaan-springgety wat Saterdag 20 Desember sy hoogtepunt bereik. Die springgety sal kusomstandighede oor die naweek aansienlik beïnvloed.
Volgens die NSRI veroorsaak springgetye groter verskille tussen hoog- en laagwater, wat kan lei tot sterker skeurstrome, kragtiger getystrome en gevaarlike toestande vir swemmers, hengelaars en stappers langs die kus. ‘n Beroep word op die publiek gedoen om slegs by strande te swem wat deur lewensredders bewaak word, tussen vlaggies te bly en weer- en getyvoorspellings fyn dop te hou. Hengelaars en kusstappers word ook versoek om ekstra voorsorg tydens springgety te tref, aangesien hoër branders veilige gebiede kan oorspoel.
Die NSRI beklemtoon dat die invloed van springgetye vir etlike dae kan voortduur en herinner die publiek om die krag van die see te respekteer.
Druk hier om meer te lees.
