VSA. – Die VSA se departement van oorlog het die vrystel van ’n tweede groep gedeklassifiseerde en historiese lêers oor unidentified aerial phenomena (UAP’s) of VVV’s (vreemde vlieënde voorwerpe) as deel van ’n nuwe openbare deursigtigheidsinisiatief aangekondig.
Luidens ’n verklaring van die assistent-sekretaris vir openbare sake en Pentagon-woordvoerder, Sean Parnell, is die dokumente beskikbaar op WAR.GOV/UFO en sal verdere vrystellings op ’n deurlopende basis volg.
Die eerste vrystelling het reeds op 8 Mei 2026 plaasgevind en die tweede bondel is op 22 Mei 2026 bygevoeg. Volgens die departement is die belangstelling wêreldwyd is buitengewoon groot, met meer as ’n miljard besoeke aan die webwerf sedert die bekendstelling.
Die inisiatief, bekend as die Presidential Unsealing and Reporting System for UAP Encounters (PURSUE), behels samewerking tussen verskeie Amerikaanse agentskappe om jare se rekords te deursoek, te deklassifiseer en aan die publiek beskikbaar te stel.
Volgens die departement gaan die materiaal hoofsaaklik oor onopgeloste gevalle waar die owerhede nie definitiewe verklarings kon maak nie, dikwels weens onvoldoende data. Verdere vrystellings word binnekort verwag namate die hersieningsproses voortgaan.
