LIMPOPO. – ‘n Nuwe hoofstuk is geskryf vir die gemeenskap van Steelpoort nadat ‘n nuwe brug met twee bane amptelik Vrydag aan dr. Phophi Constance Ramathuba, die Premier van Limpopo, oorhandig is. Die ou Steelpoort-brug, wat in 1926 gebou is, vier binnekort sy honderdste bestaansjaar en pryk steeds langs die nuwe een.
Die brug is amptelik deur Gwede Mantashe, die Minister van Minerale en Petroleumhulpbronne, oorhandig.
Die ou brug dien volgens die Premier as ‘n simbool van verbinding en veerkragtigheid vir die mense van Limpopo. Nou neem ‘n moderne, nuwe brug die fakkel oor, een wat gebou is om aan die provinsie se groeiende infrastruktuurbehoeftes te voorsien.
Die brug word as ‘n betekenisvolle mylpaal in die provinsie se infrastruktuurontwikkelingsprogram beskou. word. Die bou van die nuwe brug is moontlik gemaak deur ‘n strategiese vennootskap tussen die regering en die mynbousektor, met die Paaie-agentskap van Limpopo wat as koördinerende agentskap opgetree het.
