Die SANW het beplan om vanaf 29 April te begin om soldate wat in die ooste van die Demokratiese Republiek die Kongo ontplooi is, in fases te onttrek.
Die Suid-Afrikaanse Nasionale Weermag (SANW) sê in ‘n verklaring die besluit is op 13 Maart tydens ‘n aanlyn vergadering deur staatshoofde en die regering oorgedra. Die onttrekking van die soldate en toerusting vanaf Goma sal per goedgekeurde padroete deur Rwanda en Tanzanië gedoen word en sal in fases gebeur.
Minister Angie Motshekga sal vanoggend om 10:00 ‘n inligtingsessie in Pretoria oor die onttrekking van die soldate hou.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
