Die departement van samewerkende regering en tradisionele sake het die onlangse oorstromings in Suid-Afrika as ’n nasionale ramptoestand geklassifiseer. Hierdie klassifikasie laat die regering toe om die verantwoordelikheid aan spesifieke afdelings van die regering te gee om die ramp te bestuur.
Lees ook: Dodetal in Oos-Kaap-oorstromings styg
Elias Sithole, die hoof van die nasionale rampbestuursentrum, het gesê die wydverspreide impak van die reën, oorstromings, sneeu en sterk winde in verskeie provinsies het toegelaat dat ’n nasionale ramptoestand geklassifiseer is. Die Oos-Kaap, Wes-Kaap, Vrystaat en KwaZulu-Natal is die ergste deur die storms aangeraak.
Reddingspanne het gister nog ’n liggaam in die Oos-Kaap gekry, wat die dodetal nou op 92 te staan bring, met die verwagting dat dit nog kan styg. ’n Soektog na die liggame van vermiste persone duur steeds voort.
Bronne: BusinessTech, eNCA, SA People
Lees ook: Dodetal in Oos-Kaap-oorstromings styg
