KZN. – ‘n Vrou se liggaam is in ‘n rivier gevind en twee persone word steeds vermis ná oorstromings in New Hanover oor die naweek.
Lees ook: Geel vlak 4-waarskuwing vir donderstorms vir vandag uitgereik
Die mense is Sondag tydens oorstromings weggespoel nadat ‘n oranje vlak 6-waarskuwing vir swaar donderstorms uitgereik is.
Reddingswerkers is steeds op soek na die twee persone.
Volgens die KwaZulu-Natalse departement van samewerkende regering en tradisionele sake (Cogta) is residensiële eiendom en padinfrastruktuur beskadig, maar die omvang van die skade is nog nie bepaal nie.
‘n Geel vlak 4-waarskuwing is vir vandag vir uPhongolo, Paulpietersburg, Utrecht, Abaqulusi en Ladismith uitgereik.
Bronne: eNCA, EWN, IOL
Lees ook: Geel vlak 4-waarskuwing vir donderstorms vir vandag uitgereik
