Lees ook: MK-partylede word vandag by NV ingesweer
Die OVK het vandeesweek ’n beëdigde verklaring by die verkiesingshof ingedien na die MK-party die hof genader het om die verkiesingsuitslae tersyde te stel.
Die MK-party beweer daar is stemme weg en hulle wil hê ’n nuwe verkiesing moet gehou word.
Volgens die OVK-hoof, Sy Mamabolo, is daar geen stemme weg nie en die MK-party het nie die regte prosedures gevolg deur ’n klagte by die OVK in te dien nie. Die MK-party het ook nie die verkiesingsuitslae teen die sperdatum teengestaan nie.
Hy het gesê die MK-party se aansoek moet met kostes van die rol geskrap word.
Die DA het ook die verkiesingshof genader om die MK-party se aansoek teen te staan. Volgens IOL het die DA gesê die MK-party het nie genoeg bewyse om te beweer daar was fout met die verkiesing nie.
Bronne: The Citizen, IOL EWN
Lees ook: MK-partylede word vandag by NV ingesweer
