THAILAND. – ’n Pa en dogter is oorlede nadat hulle wilde sampioene geëet het wat deur ’n familievriend aan hulle gegee is.
Lees ook: Waarskuwings vir brandgevaar vir verskeie provinsies vir vandag uitgereik
Boonpan (78) en sy dogter Wijitra (40) is op 22 Augustus dood nadat Wijitra sampioene wat deur ’n familievriend aan hulle gegee is vir haar ma gegee het om ’n kerrie van te maak.
Boonpan en Wijitra het eerste van die kerrie geëet. Boonpan het aan tafel skuim om die mond gekry en het stuipe gekry voor hy voor sy familie ineengestort het.
Die familie het na Wijitra se kamer gehardloop en haar bewusteloos gekry. Albei is by die hospitaal dood verklaar.
Die sampioene is weggestuur om ontleed te word, terwyl die polisie die saak ondersoek.
Bronne: Metro, Daily Mail, Mirror
Lees ook: Waarskuwings vir brandgevaar vir verskeie provinsies vir vandag uitgereik
