LIMPOPO. – ‘n Pa (58) het glo Donderdag sy seun (33) in die Maulama-woonbuurt met ‘n graaf doodgekap. Die verdagte het Maandag in die hof verskyn.
Kol. Malesela Ledwaba sê die insident het tydens ‘n huishoudelike dispuut plaasgevind. Met aankoms op die toneel het die polisie die verdagte buite gekry. Hulle is deur famililede ingelig die verdagte het met sy seun baklei en hom met die graaf gekap.
“Die slagoffer is met ‘n diep kopwond in die huis gevind en is dood verklaar. Daar is op die vermeende moordwapen beslag gelê.”
Die verdagte is volgens rapportering deur die gemeenskap aangerand voordat die polisie op die toneel aangekom het en is gehospitaliseer, maar later ontslaan en in aanhouding.
Ledwaba sê die verdagte het in die Dzanani-landdroshof voorgekom.
