MPUMALANGA. – ‘n Pa (22) wat glo sy babadogter (17 mnde.) doodgemaak het, is Woensdag gearresteer. Die pa is sedert 30 Desember 2024 vir ‘n ander saak in aanhouding,.
Lt. kol. Jabu Ndubane sê die beskuldigde het vroegoggend op 30 Desember 2024 die baba hospitaal toe geneem en gesê sy het beserings opgedoen nadat sy van ‘n bed afgeval het. Sy is egter deur die mediese personeel dood verklaar. Die polisie is ontbied en beserings wat agterdog gewek het – verskeie kneusmerke en tekens van verwurging – is aangemeld.
Die pa sal na verwagting vandag in verband met die baba se dood in die Ermelo-landdroshof verskyn.
