Die paroolbesluit oor die sogenaamde Griekwastad-moordenaar, wat skuldig is aan die moord op sy ouers en jonger suster is omgekeer. Ingevolge die strafproseswet word die gesinsmoordenaar se naam weerhou, aangesien hy tydens die misdade minderjarig was.
Euné Wessels, woordvoerder vir die minister van korrektiewe dienste, sê die korrektiewe toesig-en-paroolhersieningsraad (KTPHR) het die besluit om ‘n veroordeelde moordenaar op parool te plaas, omgekeer. Dr. Pieter Groenewald, die minister van korrekteiwe dienste, het bevestig dat die besluit vervang is nadat talle lede uit die gemeenskap beswaar gemaak het. Die betrokke individu is skuldig bevind op drie aanklagte van moord, verkragting en regsverydeling.
Die KTPHR, onder voorsitterskap van ‘n Hooggeregshofregter, het die oorspronklike besluit van die Upington korrektiewe toesig- en paroolraad hersien en uiteindelik beslis om dit te vervang. Die veroordeelde moet nou binne ‘n bepaalde tydperk aan voorgeskrewe regstellende maatreëls voldoen voordat sy geskiktheid vir parool weer oorweeg kan word.
Lees meer hier onder:
