OOS-KAAP. – ’n Pastoor en ’n ouma is in hegtenis geneem vir die gereëlde huwelik van ’n 15-jarige meisie. Die ouma (66) en die pastoor (51) het die huwelik tussen hom en die ouma se kleindogter gereël.
LEES OOK: Fotograaf red sterwende hond van afgeleë eiland
Pastoor en ouma reël huwelik
Luxolo Tyali, woordvoerder van die Nasionale Vervolgingsgesag in Suid-Afrika, sê die pastoor, wat deur ’n privaat advokaat verteenwoordig word, word van statutêre verkragting, statutêre seksuele aanranding en ontvoering aangekla.
Die ouma van die slagoffer staan tereg op aanklag van gedwonge verkragting vir haar rol in die ooreenkoms om die minderjarige met die predikant te laat trou.
Meisie Dinsdag gered
“Die pastoor en die ouma is Dinsdag in hegtenis geneem nadat die meisie op 29 Junie 2021 deur die polisie by die pastoor se woonplek by die KwaMlomo-dorp in die Coza-omgewing in die Libode-distrik gered is. Die gr. 8-leerder was na bewering die ‘vrou’ van die predikant sedert sy die ouma se huis op 11 Junie 2021 verlaat het. Gedurende hierdie tydperk word beweer dat die man by verskeie geleenthede seksuele omgang met haar gehad het. Lobola-onderhandelinge is ook gevoer, maar geen betaling is gemaak nie.”
Ouma kry borg
Die aanklaer het borgtog van R500 aan die ouma toegestaan. Haar saak is tot 19 Augustus vir verdere ondersoek uitgestel. Die minderjarige is tans in ‘n plek van veiligheid.
