GAUTENG. – Die polisie het Saterdag ‘n beweerde transitoroof in Dobsonville in Soweto gefnuik en twee verdagtes doodgeskiet.
Brig. Athlenda Mathe sê die voorlopige ondersoek dui aan die polisie het inligting van ‘n beplande transitoroof opgevolg. Die lede is na ‘n aktiewe misdaadtoneel nog voordat ‘n kontantwa opgeblaas kon word.
Mathe sê met die polisie se aankoms op die toneel het verdagtes op hulle geskiet en hulle het teruggeskiet. Twee van die verdagtes is noodlottig getref.
Die polisie het op ‘n R5-geweer, drie AK 47-aanvalsgewere en drie voertuie beslag gelê.
‘n Soektog is na ‘n verdagte wat te voet van die toneel gevlug het, geloods. Enigiemand met inligting word versoek om met die Dobsonville-polisiestasie in aanraking te kom.
Volg FiND iT se Facebookblad hier en klik hier om ons app af te laai. Klik hier vir vandag se nuutste nuus.
