KWAZULU-NATAL. – Polisielede is ontplooi om hulp en warm kos aan motoriste wat sedert Vrydag op die N3 tussen Estcourt en Mooirivier in die sneeu vassit, te neem.
Kol. Robert Netshiunda sê polisielede wat self in die sneeu vassit, verrig veiligheidsdienste aan mede-motoriste.
“Die bestuur van die polisie in KwaZulu-Natal het sakevennote gemobiliseer wat reeds kos en warm klere begin voorberei het vir diegene wat in die ysige sneeu vassit. Ten spyte van ongunstige vliegtoestande, trotseer die polisie, wat saam met ander reddings- en humanitêre entiteite werk, die toestande om lewe te bewaar en broodnodige basiese dienste te lewer.”
