LEES OOK: Onafhanklike verslag spoeg vuur oor Universiteit van Kaapstad se leierskap
Sindisiwe Chikunga, minister van vervoer, en haar lyfwagte is Maandag op die N3 beroof. Die minister en haar veiligheidsbeamptes het Maandag in die vroeë oggendure langs die snelweg stilgehou om ‘n stukkende band om te ruil, toe drie gewapende mans hulle uit die bosse aangeval het.
Die polisie het ‘n soektog na die verdagtes geloods. Brig. Athlenda Mathe het in ‘n verklaring gesê persoonlike besittings en twee SAPD-dienspistole is tydens die voorval gesteel.
“Betrokke lede ontvang die nodige ondersteuning en berading,” het Mathe gesê. “‘n Mannejag is sedertdien geloods na hierdie voorval om diegene wat verantwoordelik is hiervoor vas te trek.”
#Vervoer #Minister #Roof #Mannejag #Afrikaans #Nuus
