NOORD-KAAP. – ‘n Luitenant-kolonel (46) in die polisie, verbonde aan die Kimberley-blitspatrollie, word van die verkragting van ‘n minderjarige op 12 Augustus op De Aar beskuldig.
Kol. Cherelle Ehlers sê die insident word deur Opod, die polisiewaghond, ondersoek.
Ehlers sê maj.genl. Luntu Ngubelanga, die waarnemende provinsiale kommissaris in die provinsie, en die bestuur veroordeel enige vorm van kriminaliteit in die polisie, veral waar dit vroue, kinders en weerlose persone behels. Geen polisielid is bokant die wet verhewe nie en daar word van lede verwag om ‘n voorbeeld te wees.
