Lees ook: Sakeman gered, vyf in hegtenis vir ‘ontvoering’
GA-MOTODI MOSHATE. – Die polisie is besig om die dood van twee mans te ondersoek.
Die polisie is Woensdag ontbied na ’n kliniek waar daar ’n bakkie met die liggame van twee mans agterop gestaan het. Nog twee mans was beseer en het behandeling in die kliniek ontvang.
’n Voorlopige ondersoek het bevind ses mans was by ’n taverne toe ’n man, bekend aan hulle, hulle tee aangebied het wat glo “hulle mae sou skoonmaak”. Vier van die mans het glo die tee gedrink en siek geraak. Die ander twee het glo geweier om die tee te drink en het gevlug.
Die eienaar van die taverne het sy seun beveel om die slagoffers kliniek toe te neem, maar twee van die mans was met aankoms by die kliniek reeds dood.
Bronne: SAPD
