Lees ook: Ongelisensieerde bestuurder vlug na ongeluk
SOWETO. – ’n Portugese sakeman is gered na hy glo verlede week in South Gate ontvoer is. Die man, wat ’n Waltloo-slaghuis in Johannesburg besit, is na bewering vir ’n losprys ontvoer.
Hy is uit die Nancefield-koshuis in Soweto, waar hy glo aangehou is, gered. Twee verdagtes wat glo die bestuurders van die voertuie was, is gistermiddag in hegtenis geneem.
Gisteraand is nog ’n verdagte in hegtenis geneem by die koshuis waar die sakeman glo vasgebind gehou is.
Nog twee verdagtes is by ’n huis in White City Soweto in hegtenis geneem. Die slagoffer se bankkaarte en beursie is in hulle besit gevind.
Bronne: SAPD
