POLOKWANE. – Die polisie in Ritavi in die Mopani-distrik ondersoek ‘n moord en poging tot inbraak by die Hoërskool Mathlatrhi op Saterdag.
Lees ook: Sewe in hegtenis vir moord op vermeende kabeldief
Die polisie het inligting ontvang oor ‘n moord by die skool en het by ‘n veiligheidswag wat deur die skool aangestel is gehoor hy het geluide by die administratiewe blok gehoor en toe drie onbekende mans met balaklawas gesien wat probeer het om by die kantoor in te breek.
Hy het met ‘n kettie in hulle rigting geskiet, waarop die verdagtes in verskillende rigtings gehardloop en skote afgevuur het.
Die veiligheidswag het daarna die liggaam van ‘n onbekende man op die grond met ‘n skietwond aan die bors gekry. Hy het ‘n swart handskoen aan sy linkerhand gedra en ‘n swart sak by hom gehad.
Die oorledene was moontlik een van die verdagtes wat per ongeluk deur sy medepligtiges doodgeskiet is.
Bronne: SAPD
