PARYS, FRANKRYK. – Franse owerhede is steeds op soek na die diewe wat Sondag binne vier minute uit die Appollogalery van die Louvre-museum ingebreek het en nege items van die Franse kroonjuwele gesteel het.
Lees ook: Soektog na Louvre-juweeldiewe duur voort
‘n Kroon met meer as 1 300 diamante is kort ná die diefstal beskadig gevind op die ontsnappingroete wat die vier diewe langs die Seine gevolg het. Een van die gesteelde stukke waaroor die meeste gepraat is, is die kosbare pêrel-en-diamanttiara van keiserin Eugenie, wat ‘n huweliksgeskenk van Napoleon III aan haar was.
Kenners het gesê dit is moontlik dat die agt gesteelde items reeds “uitmekaargehaal, gesmelt, opgesny en verkoop is” wat dit moeilik sal maak om dit op te spoor.
Die Franse minister van binnelandse sake het gesê meer as 60 ondersoekers werk aan die saak. Die aanklaerskantoor het gesê hulle het beeldmateriaal van die vier diewe buite die Louvre voor die rooftog – dit wys die diewe was slegs vier minute in die museum nadat die oorspronklike tydlyn was dat die roof sewe minute geneem het.
Bronne: NBC News, BBC, ABC News
Lees ook: Soektog na Louvre-juweeldiewe duur voort
