GAUTENG. – Lt.kol. Martin Wayne Elappen (56), ‘n polisiebeampte, word van die moord op Ansley Jordaan, sy swaer, op 8 Augustus beskuldig. Die Lenasia-landdroshof het Elappen se aansoek om borgtog geweier.
Lizzy Suping, Opod-woordvoerder, sê in ‘n verklaring die beskuldigde het die oorledene en sy vrou op die betrokke dag besoek. Daar word voorts beweer Ellapen en Jordaan was in ’n argument betrokke, waartydens Jordaan glo probeer het om hom met ’n bottel te slaan. Ellapen het glo sy privaat vuurwapen uitgehaal en twee skote in die rigting van Jordaan geskiet. Jordaan het probeer vlug, maar het in die straat ineengestort. Hy is deur paramedici op die toneel dood verklaar.
Die beskuldigde is op dieselfde dag in hegtenis geneem en by die Kliptown-polisiekantoor aangehou. Sy borgtogaansoek is afgekeur en die saak is tot 20 Oktober vir verdere ondersoek uitgestel.
