KWAZULU-NATAL. – Thamsanqa Ntuli, die premier van KZN, het amptelik sy steun uitgespreek vir die heraanstelling van lt.genl. Nhlanhla Mkhwanazi, vir ‘n tweede termyn as die provinsiale polisiekommissaris. Sy huidige termyn loop op 30 Maart 2026 ten einde.
Luidens ‘n verklaring van die KZN- provinsiale regering is die steun uitgespreek ná ’n vergadering met Fannie Masemola, die nasionale polisiekommissaris. genl. Fannie Masemola. Ntuli het sy vertroue in Mkhwanazi se leierskap, professionaliteit en etiese standaarde beklemtoon. “Ek het konsekwent gehandhaaf dat daar geen basis is om nie ’n polisiebeampte van die kaliber van lt.genl. Nhlanhla Mkhwanazi te steun nie,” het hy gesê.
Die premier het gesê stabiele leierskap binne die SAPD is krities vir die veiligheid en stabiliteit van die provinsie. Onder Mkhwanazi se leiding is teikengerigte en intelligensie-gedrewe optredes ingestel om ernstige en geweldsmisdaad aan te spreek.
Volgens die Grondwet (artikel 207(3)) word die finale aanstelling, met die premier se goedkeuring, deur die nasionale polisiekommissaris gemaak.
Druk hier om meer te lees.
