In ’n wêreld waar kunsmatige intelligensie (KI) die wet bepaal en waar die natuur lankal vergete is, leef een vraag soos ’n hartklop deur die ruimte: kan liefde floreer wanneer niks anders kan nie?
Vanaf 13 April – 16 April nooi Hoërskool Jan van Riebeeck in Kloofstraat, Kaapstad, jou na ’n splinternuwe, oorspronklike en futuristiese musiekblyspel geïnspireer deur Shakespeare se Romeo en Juliet. R & J: Love Beyond the Stars is ’n visuele en musikale fees – propvol emosie, rebellie en asemrowende talent.
Klassieke tragedie, verdeelde samelewing
In hierdie ontroerende hervertelling van die klassieke tragedie, leef twee geliefdes aan weerskante van ’n verdeelde samelewing. Remini (Remy) Montablue is ’n jong werker van die blouklasse, en Juliana (Jules) Capugold is ’n lid van die elite goue klas. In ’n samelewing waar KI liefde as ’n illusie beskou en klasverskille streng afgedwing word, blom hul liefde teen alle verwagtinge in. Teen ’n wêreld van koue beheer en tegnologie, is dit hulle liefde wat die rewolusie begin.
Treffende musiek en projeksies
Van pop en rock tot Broadway – die verhoog word aan die brand gesing met musiek van Lady Gaga, Chappell Roan, ABBA, Queen, Bon Jovi, Backstreet Boys en meer. Daar is ook treffers uit bekende musiekblyspele soos Grease, The Greatest Showman, Wicked, School of Rock, Moulin Rouge!, West Side Story, The Prom, Heathers, Hadestown, & Juliet, Dear Evan Hansen en Hamilton. Die produksie word in Engels opgevoer en spog met leerders se ongelooflike sang- en danstalent.
Die produksie gebruik hoëtegnologie-projeksies, spesiale beligting en dinamiese kontras tussen blou en goud om die wêreld van R & J tot lewe te bring. Dis kuns, drama en tegnologie in een.
Die oorspronklike verhaal is geskryf en geregisseer deur Regina R. Malan, wat reeds bekend is vir haar kreatiewe flair en aanvoeling vir jong talent. Hierdie is ’n vertoning wat jou hart sal roer.
Bespreek:
🗓 Datum: 13 – 16 April 2025 om 19:00
📍 Plek: Hoërskool Jan van Riebeeck, 129 Kloofstraat, Kaapstad
🎟 Kaartjies: R150
🔗 Bespreek hier: Quicket – R & J: Love Beyond the Stars
Moenie hierdie unieke teaterervaring misloop nie. Laat jouself meevoer deur ’n storie van hoop, opoffering en die mag van liefde – in ’n wêreld wat dit die minste toelaat.
Die Hoërskool Jan van Riebeeck se toneelvereniging is een van die bestes in die land en ‘n baie groot trekpleister vir voornemende leerders. Dié skool het al verskeie kere aan die finaal van die ATKV-Tienertoneelkompetisie deelgeneem én gewen of ‘n tweede plek behaal. Bekende akteurs soos Anneke Weideman (Hanna Hoekom en Die Wonderwerker), Viljé Maritz (Binnelanders, Verraaiers en Sara se Geheim), Ludwig Binge (Boland Moorde) en die susters, Lea en Trix Viviers (verskeie produksies) was hier op die skool se planke.
Akteurs in R & J:
- Ayden Februarie
- Ray Lester
- Marilé Engelbrecht
- Daniella Boshoff
- Caleb Swart
- Amuran Bester
- Ganeesha (Smiley) Stephanus
- Lilitha Mhini
- Jennifer Butterworth
- Logan McCallaghan
- Ashleyn Alexander
- Yolenda Wanie
- Karu Rademeyer
- Zia Schröder
- Sophia Fourie
- Emma Jonker
- Armand Coetzer
- Lebuneni Bala
- Maurician Sylvester
- Olona Bala
- Michelle Schoeman
- Lené van der Walt
- Leah Lindeque
- Jana Becker
- Akhona Mbozi
- Manon Aries
- Mia Smith
- Inathi Roxo
- Jeanne Koen
- Keisha Migeul
- Mo-Eesha Strauss
- Imange Bala
