MPUMALANGA. – President Cyril Ramaphosa het Vrydag amptelik die begin van kommersiële bedrywighede by die Ummbila Emoyeni-windenergieprojek naby Bethal ingelui.
Vincent Magwenya, presidensiële woordvoerder, sê die projek is ’n verdere stap in die uitbreiding van Suid-Afrika se hernubare energievermoë en is daarop gemik om die land se elektrisiteitsvoorsiening te versterk. Die eerste fase van die windplaas het ’n opwekkingsvermoë van 155 MW. Dit vorm deel van ’n groter plan om uiteindelik 900 MW se nuwe hernubare energie in die streek op te wek. Die ontwikkeling is ook deel van Suid-Afrika se regverdige energie-oorgang, met investering wat nie net op elektrisiteitsopwekking fokus nie, maar ook op infrastruktuur, plaaslike ondernemings, vaardigheidsontwikkeling en gemeenskapsprojekte. Die Ummbila Emoyeni-projek spruit uit ’n beleggingsverbintenis wat drie jaar gelede tydens die Suid-Afrikaanse Beleggingskonferensie aangekondig is.
Volgens die presidensie is die projek ook ’n voorbeeld van samewerking tussen die regering, privaatsektor, beleggers en plaaslike gemeenskappe om infrastruktuurontwikkeling en ekonomiese groei te bevorder.
Druk hier om meer te lees.
