Die Suid-Afrikaanse regering het ’n beleidsriglyn om ‘n alternatief te bied vir die lisensiëringsvereistes vir swart ekonomiese bemagtiging (SEB) vir Starlink en ander telekommunikasiemaatskappye in die Staatskoerant gepubliseer.
Solly Malatsi, minister van kommunikasie en digitale tegnologie, het gesê die nuwe voorstel is om meer beleggings te trek, veral vir lisensiëring vir uitsaai, internetdienste, selfoon- en ander netwerke. Hy het gesê maatskappye sal die regulasie wat bepaal dat 30% van ‘n lisensiehouer-maatskappy in die hande van vooraf benadeeldes moet wees, kan vermy en sal dan eerder toegelaat word om in plaaslike ontwikkelingsprojekte te belê om die transformasiedoelwit te bereik.
Lees ook: Ramaphosa gaan straks aanbod aan Elon Musk oor Starlink maak
Tans vereis die Wet op Elektroniese Kommunikasie se regulasies dat 30% van lisensiehouer-maatskappye in besit van histories benadeelde groepe moet wees. Die voorgestelde beleidsriglyn erken egter dat “die regulasies die wetlike raamwerk vir breë-gebaseerde swart ekonomiese bemagtiging weerspreek deur vereistes vir ekwiteiteienaarskap voor te skryf” wat dalk nie ten volle ooreenstem met die IKT-sektorkode nie, wat bemagtiging wyer meet.
Die voorstel volg kort ná president Ramaphosa se vergadering met president Donald Trump om die verhouding tussen die twee lande se verbeter.
Bronne: IOL, SABC, The South African
Lees ook: Ramaphosa gaan straks aanbod aan Elon Musk oor Starlink maak
One Response
Thanks to Elon