Lees ook: Regter besluit binnekort oor Boeing-pleitooreenkoms
VSA. – ‘n Federale regter het gister Boeing se pleitooreenkoms met die VSA se justisiedepartement verwerp.
Boeing sou skuldig gepleit het op aanklagtes van bedrog deur reguleerders wat vlieënieropleding goedgekeur het. Hulle sou ‘n boete moes betaal.
Die pleitooreenkoms het gevolg na twee 737 Max-vliegtuie binne vyf maande ongelukke gehad het waarin 346 mense dood is. Families van die oorledenes was ongelukkig met die ooreenkoms en wil hê Boeing moet verhoor word.
Regter Reed O’Connor het die pleitooreenkoms afgekeur, maar dit is moontlik dat Boeing en die justisiedepartement net ‘n nuwe ooreenkoms sal aangaan.
O’Connor het gesê die pleitooreenkoms se proses om ‘n onafhanklike monitor te kies, insluitend die verbod op die regter om die oortredings van die monitor se aanbevelings oor teenbedrog te oorweeg, het die hof se gesag om die saak te oorsien, belemmer. Hy het ook gesê die regering het Boeing al vir drie jaar gemonitor en dat “dit veilig is om te sê die regering se poging om nakoming te verseker het gefaal”.
Regter O’Connor het ook beslis dat die pleitooreenkoms die hof onregverdig beperk het deur diversiteitsvereistes op te lê in die keuse van ‘n onafhanklike monitor wat toesig moet hou oor Boeing se toekomstige nakoming teen bedrog.
Bronne: The Independent, The New York Times, ABC News
Lees ook: Regter besluit binnekort oor Boeing-pleitooreenkoms
