LOS ANGELES, VSA. – Aanklaers in Los Angeles het die seun van Rob en Michele Reiner amptelik van moord op sy ouers aangekla.
Lees ook: Rob Reiner se seun in hegtenis vir moord
Nick Reiner word aangekla van twee moorde met spesiale omstandighede, asook dat hy ‘n “gevaarlike en dodelike wapen: ‘n mes” gebruik het. Hy het ‘n geskiedenis van dwelmmisbruik en was ure voor sy ouers se dood by ‘n partytjie.
As Nick Reiner skuldig bevind word, kan hy lewenslange tronkstraf of die doodstraf ontvang.
Rob Reiner was die regisseur van verskeie bekende films insluitend Misery, The Princess Bride, When Harry met Sally en A Few Good Men.
Michele Singer Reiner was ‘n aktrise, fotograaf en het die Reiner Light, ‘n vervaardigings- en fotografiemaatskappy, gestig. Sy het haar toekomstige man op die stel van When Harry met Sally ontmoet en hom oorreed om ‘n ander einde vir die film te gebruik – waar die twee hoofkarakters in ‘n romantiese verhouding is.
Nadoodse ondersoeke moet nog uitgevoer word om die oorsaak, manier en tye van hulle dood vas te stel.
Bronne: BBC, The Independent, NBC News
Lees ook: Rob Reiner se seun in hegtenis vir moord
