OEKRAÏNE. – Rusland het een van die grootste lugaanvalle in ’n maand op Oekraïne geloods net ure nadat die Oekraïense president, Wolodomir Zelenski, en die Amerikaanse president, Donald Trump, samesprekings gehad het oor Trump se pogings om vrede tussen die twee lande te bewerkstellig.
Lees ook: Tien mense, insluitend kinders, dood in Russiese aanvalle op Oekraïne
Die Russiese weermag het 270 hommeltuie en 10 vuurpyle gebruik om die sentrale deel van Oekraïne aan te val. Belangrike dele van die land se energie-infrastruktuur is in die aanval getref. Rusland se verdedigingsministerie het ook beweer dit het ’n olieraffinadery, wat brandstof aan Oekraïense magte voorsien, getref.
Volgens die Oekraïense weermag kon dit 230 van die hommeltuie en ses van die vuurpyle afskiet.
Bronne: The Independent, ABC News, inkl.
Lees ook: Tien mense, insluitend kinders, dood in Russiese aanvalle op Oekraïne
