NEW YORK, VSA. – Die akteur en komediant Russel Brand se regspan het ’n aansoek ingedien om ’n siviele saak oor beweerde seksuele aanranding, wat in die Verenigde State teen hom aanhangig gemaak is, uit te stel. Die saak spruit uit ’n klag deur ’n vrou wat beweer dat Brand haar in 2010 seksueel aangerand het tydens die verfilming van die rolprent Arthur in New York.
Lees ook: Jean-Claude Van Damme beskuldig van seks met ‘mensehandelslagoffers’
Volgens hofstukke het Brand se prokureurs aangevoer dat die Amerikaanse saak moontlik die strafregtelike ondersoek teen hom in die Verenigde Koninkryk kan beïnvloed, en dat dit kan lei tot vooroordeel in een van die sake. Brand is verlede week formeel aangekla in die VK van ’n reeks seksuele misdrywe wat tussen 1999 en 2005 in Bournemouth en Londen plaasgevind het.
Die hof in New York het egter die aansoek van sy regspan verwerp, maar Brand tot 30 Oktober 2025 gegee om sy deposisie in die saak in te handig.
Intussen moet Brand op 2 Mei in die Westminster-landdroshof in Londen verskyn in verband met aanklagte van verkragting, seksuele aanranding en mondelingse verkragting van vier verskillende vroue.
Brand het al die bewerings teen hom ten sterkste ontken.
Bronne: The Independent, Daily Mail, News.com.au
Lees ook: Jean-Claude Van Damme beskuldig van seks met ‘mensehandelslagoffers’
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected].
