NOORDWES. – Nico Smit, is nie net ‘n gewone gr. 9-leerder van Potchefstroom Gimnasium nie. Hierdie jong seun se besondere musiekbegaafdheid is besig om vir hom internasionale deure oop te maak. Hy is deur die Julliard School in New York gekies om aan ‘n komponeringsprogram wat hulle aanlyn sal aanbied, deel te wees.
Volgens ‘n trotse sosialemediaplasing op die skool se Facebook-blad is Smit ‘n Mozart in die kleine.
Hierdie aanlyn komponeringsprogram is net vir 16 gekose komponiste beskore.
“Nico is ‘n uiters begaafde komponis en hierdie is ‘n uitsonderlike prestasie. Gimmies weet dat hy ‘n sukses van die geleentheid gaan maak. Ons hou hom met groot afwagting dop.”
