Lees ook: Putco-verdagtes het glo beseerde veiligheidswag se selfoon gehad
MPUMALANGA. – Die saak teen die twee verdagtes wat in hegtenis geneem is in verband met die uitbrand van 51 Putco-busse is uitgestel.
Isaac Mabena (36) en Luthando Skosana (39) is Dinsdag in hegtenis geneem vir die aanval op die Siyabuswa Putco-depot waarin ongeveer 17 busse aan die brand gesteek is.
Die paar het gister in die Mdutjane-landdroshof op verskeie aanklagtes, insluitend gewapende roof, skade aan noodsaaklike infrastruktuur, besit van gesteelde eiendom en skade aan eiendom voorgekom.
Die saak is tot 6 Februarie vir ’n formele borgaansoek uitgestel en die verdagtes sal in aanhouding bly. Nog verdagtes sal na verwagting vir die aanvalle in hegtenis geneem word.
Bronne: Briefly, TimesLIVE, SowetanLIVE
Lees ook: Putco-verdagtes het glo beseerde veiligheidswag se selfoon gehad
