Die SAL het aangekondig hulle vlieëniers het die salarisverhogings en voordelepakkette wat hulle aangebied is, aanvaar en die werk-volgens-die-reëls-protesaksie is opgeskort.
Lees ook: SAL-vlieëniers steeds ongelukkig oor salarisse
Die hoof van SAL, prof. M. John Lamola, het gesê hulle is bly om te sien dat die vlieëniers terugkeer na hulle werk en dat dit wys “hulle is toegewy aan die sukses van die lugredery oor die jare wat kom”.
Dit is onbekend wat die bedrag of die voordele is wat deur die vlieëniers aanvaar is ná onderhandelinge sedert Mei 2024 aan die gang was.
Lamola het gesê die SAL is vasbeslote in hulle toewyding om ’n finansiële verantwoordelike lugredery te wees wat nie op openbare befondsing hoef staat te maak nie.
Bronne: SAL
