Marianne Faithfull (78), sangeres en aktrise, het Donderdag omring deur haar familie in Londen gesterf.
Faithfull is op 29 Desember 1946 in Hampstead in Londen gebore. Sy is bekend vir treffers soos As Tears Go By, wat gedurende 1964 die top 10 in die Verenigde Koninkryk behaal het, en vele meer soos This Little Bird en Broken English. Sy het ook in talle rolprente, insluitend The Girl On A Motorcycle gedurende 1968, asook Marie Antoinette, Paris, je t’aime, en Irina Palm gespeel.
Faithfull was ‘n paar keer getroud en was ook ‘n aantal jare met Mick Jagger in ‘n verhouding. Nadat sy in 2020 Covid opgedoen het, het sy teruggekeer met ‘n 21ste album, genaamd She Wallks In Beauty.
Bronne: The Rolling Stone, BBC en Sky News
