SASSA se goue kaarte word tans landswyd met die swart Posbankkaarte vervang. Die goue kaart sal vanaf 28 Februarie 2025 nie meer in werking wees nie.
Die Suid-Afrikaanse Agentskap vir Maatskaplike Sekerheid (Sassa) sê die swart Posbankkaarte werk op alle nasionale betaalstelsels.
Voordele vir die kaartgebruikers bly dieselfde – een gratis kaartvervanging per jaar, drie gratis kontantonttrekkings in ‘n winkel per maand, een gratis staat oor die toonbank per maand.
Kaartgebruikers kan *120*218*3# op hulle selfone skakel en dan 1 druk om voort te gaan. Deur die nommer te druk wat die provinsie verteenwoordig waarin ‘n kaartgebruiker is, sal ‘n opsie ontvang word van waar die kaarte vervang kan word.
