Lees ook: Buitelander in hegtenis wat presidensiële inhuldiging probeer bywoon
MOPANI-DISTRIK. – ’n Seun (16) is in die Mopani-distrik in hegtenis geneem vir besit van moontlik gesteelde eiendom en ’n ongelisensieerde vuurwapen en ammunisie.
Die polisie het inligting ontvang oor die seun wat in die straat loop. Hulle het hom in sy huis by sy ma gekry. Die seun het eers ontken hy het ’n vuurwapen en ammunisie, maar dit is gevind toe die polisie die huis deursoek het.
Daar is ook bewyse vir selfoonlugtyd en sewe selfone in die huis gevind.
Die seun kon nie verduidelik waar hy die items gekry het nie en hy is in hegtenis geneem. Hy is later in sy ma se sorg vrygelaat en sal later in die hof verskyn.
Die polisie ondersoek nog die voorval.
Bronne: SAPD
Lees ook: Buitelander in hegtenis wat presidensiële inhuldiging probeer bywoon
