LIMPOPO. – ’n 17-jarige seun is in hegtenis geneem ná die dood van ’n 16-jarige seun wat in Saselamani aan ‘n messteekwond beswyk het.
Kol. Malesela Ledwaba, polisiewoordvoerder, sê in ‘n verklaring die slagoffer is Donderdag 4 Desember met ’n wond aan die bors na Malamulele-hospitaal geneem en is met aankoms dood verklaar. Volgens voorlopige inligting is die seun glo deur die 17-jarige verdagte gesteek.
Die verdagte sal vandag (Maandag) in die Saselamani-landdroshof voorkom. Die polisie se ondersoek duur voort.
